講過D野唔算數

我唸，講過D野唔算數同講過D野算數，係同一意思，即係「水過鴨背」，或者係「無口齒」。

做我呢行，有一個職業病，就係一就一，二就二，實牙實齒，樣樣都好認真。

初期，識D朋友應承左D野之後當冇件事，感覺有D激氣，點解可以咁「口輕輕」，講完當冇講過。

不過，之後我認識左一樣野，學習緊一件事，就係，如果人地同你講第一次就唔好當真，佢再提第二次才認真都未遲。呢個方法是特別對待應承左D野之後當冇件事的朋友。對待實牙實齒的朋友，可照樣認真對待。

至於，那些應承左D野之後當冇件事的朋友，我會認為佢地係：記性差、無心記、或者係發口痕。
我會接納佢地既特點，但與此同時，亦會小心理解佢地D承諾既真實性。