失竊（二）

今天（星期一）返公司，發現又不見了個釘書機。

是不是我得罪了人，被人戲弄？
還是有人對我桌面上的東西非常感興趣？

我對公司保安有懷疑，
雖然，我已作出反映，
失竊仍是發生在我的坐位，
公司仍是沒有什麼行動。

不過，因為如此，我又得了個新釘書機。
哈，又是新的。

現在，我放工前，把所有東西鎖在抽屜內，
正是，「斬腳趾，避沙虫」。

旺

小組之後真係去試左旺

睇落真係好旺，
泊車難，搵抬難，上菜更難。

車位不足，就算我們九個人兩架車，都找不到車位…
幸而訂了位，否則有排企。
由落單後，小龍包很快就到，但之後的食物，就相隔四十五分鐘，十分之慢。

食物方面，
小龍包很好吃，其他就一般，
或者，佢的小食會美味點，但未有機會品嚐，
唔，就試多一次，講唔埋佢還有吸引的地方呢。

車廂中的對話

******

對話一
S：你話新開個間上海舖叫嘧野名？
W：叫旺呀。
S：咁係咪真係好旺呀？
W：係呀，D人企晒係到等位…
S：咁有冇VIP咭？
W：我媽咪就係VIP咭…
（忽然很想叫埋auntie，不過佢都唔知我係嘧水，於是問…）
S：咁你似唔似你呀媽？
W：身體一D部份似啦。
S：咁身體似個部份係唔係塊面到…
W：一D啦。
（坐在W旁邊既W’s女友M，靜靜地聽我地對話之後忽然說…）
M：你都唔志在個一兩蚊啦。
… （其中一兩句對話不是重要部份，因此不記錄在此）
S：哇！有進步呀，你D數口咁精呀…
…（忘記接下來的對白，只記得我們哈哈大笑…）

******

對話二
S：平時有時間想relax既時候，鍾意狂煲鍱，你地會鍾意做嘧呀？
W：砌模型。
M：我鍾意煲鍱。
S：咦，咁我地咪可以一齊煲鍱？
M：你鍾意煲既未必係我鍾意煲既，你可以煲既時間未必係我可以煲既時間…
S：咁又係…
（都拒絕得我幾直接了當。）

後記：
曾幾何時，我地都走過一齊睇鍱，雖然未至煲既程度，但兩三個鐘總會花上，那是星期日午飯後的日子，什麼殘酷一叮、什麼笑片…，那時不須預約…似乎那些日子不再…拍拖和未拍拖，原來分別都幾…不過，我都好明白同接受，哈哈。

聽錯

一天，和高人對話…

（高人剛病癒不久）
高：明晚我們吃點「青青地」既野。
我：青青地！
高：唔係呀，清清地呀。
我：（開始亂講野）青青地呀，不如食青蘋果綠茶加椰果…
高：咁就食圓香啦…
我：（驚訝地）唔係咁嚴重嘛，食完就「香」！雖然你剛剛好番…
說完之後哈哈大笑。
高人後來發現我聽錯，也笑了。

蝦

唔知點解，忽然覺得自己好似一隻蝦。

係呢個時期，新舊聚會都有出席，裡面都有熟悉的面孔。

假如，我係話假如，有一日，不知不覺整個舊團的人漸漸去左新團聚會，
新團會唔會因為咁，變成舊團咁呢？因為都係個一班人。

忽然諗起公司久不久舉辦既點心午餐，有個同事話，無論係蝦餃、豆苗餃、帶子餃、春卷、炸蝦卷等等，都有蝦係裡面，食唻食去都係咁既味，沒嘧分別。

我會唔會係中式點心裡面隻蝦，無論放係邊件種點心，都係一樣，無分別呢？

咦！唔係播…相同既材料，可唔可以做出唔同味道既美點，就好在於具備不同技巧既點心師傅。

因為咁，就算係個一班人，若果「點心師傅」是另有其人，相信所起既化學作用都會唔同。

大革新

從前我在大衛行工作，現在我在大衛仔公司工作。
不過，偶然，我都會返回大衛行幫手。

由於大衛行聘請了一位辦公室經理，公司比從前整齊和有系統，大衛老板更加添文儀設備，使員工在工作上更有效率。

大衛老板近期更積極擴展業務，除了收購鄰近的一間同行，更增聘了員工。

今天，我回大衛行幫手…
嘩！看見一部貌似新的二手超重形打印機，除了用大來形容它，更可以用快來形容它，而它連同另一部近乎新的二手超重形傳真機的購入價都可以用超「抵」來形容。

這部機更比大衛仔公司的任何一部打印機有過之而無不及。
大衛老板聽到我這樣說，很滿意的笑了。

不知為何？已經不算是他的員工的我，看見這一切的改變，心情是那麼雀躍和興奮。
或者，大衛老板這位長者對我來說，已經不只是我的舊老板而已，他更是我的良師益友。

澄清

昨晚的分享，我很想澄清，我沒有對我的先前教會不滿。

在一個崇拜中有沒有領受，完全在於自己與神的關係，絕不是牧者的責任。

為什麼沒有得著時，硬要說成對教會不滿。
你沒有領受，但他有領受，這是既個人又主觀的。

我很想在那時表明這一點，但苦無機會。

唯願神保守自己的心意，而不是因得著不得著而改變。

婚姻（二）

今天剛聽到一位心理學博士談「戀愛」。

戀愛能令人有激情的感覺，但不能維持長久。
婚姻不能單靠戀愛感覺來維繫，
人的性格喜好會隨著人的閱歷而改變，
人變了，激情不再，婚姻如何維繫？

有人說，激情到後來會變成恩情，
婚姻便由恩情來維繫。

博士認為恩情維持的時間較長，
但恩情同樣會隨時間減退。
那麼，婚姻要用什麼才能維繫？

每個人都對愛有著不同的憧憬…
有人認為戀愛很像童話故事，王子公主就過著幸福快樂的日子。
有人認為戀愛很像一齊參加了一個旅行團，好好地享受團裡所安排的行程。
有人認為戀愛是一個作主，一個跟從。

無論是什麼樣的戀愛故事，
博士認為，能找尋到自己合適的一半，最重要的不是雙方戀愛有多深，
而是要知道大家有著共同的戀愛故事，
你所憧憬的，是否亦是對方也是同樣憧憬的。

結婚，很多人都覺得一切都大功告成，
不須再拍拖約會。
其實，那些拍拖約會是對婚姻生活添上調味，因此是不可缺少的。

特別送給結了婚的讀者們：
「不可停止拍拖，像那些停止慣了的人」

婚姻

最近聽到一位朋友的婚姻並不美滿…

其實她已結婚十多年，育有數名子女，
但是，多年來，丈夫沒有體諒妻子的勞苦和工作壓力。
從子女對父親的憎恨，似乎因為子女感受不到父親的愛。

數天前，新聞提及一名丈夫猜疑自己妻子不忠，
強行灌熟睡中的妻子飲腐蝕性液體…

究竟婚姻是什麼？
這不是因為愛而成就婚姻嗎？
那麼愛是什麼？

日子久了，是否愛便變質？
是否人隨時間也改變了？
昨天相愛，今天不愛。
昨天是愛，今天是恨。

是愛不能恆久？還是人心不可靠？


慶幸的是，
還看見一些夫婦，尤其是年長的，還拖著老伴，恩愛如昔。
「執子之手，與子偕老」，何等美好！

加、加、加

稅季話要加班，
其實我唔係多野做到要加班，
只係公司出通告，強制加班，
依家我係為加班而加班，
唔係為趕工而加班，
你話幾無謂呢。

我成日同自己講，加油、加油…
唔係加油做快D，
係加油捱過每日八至六既摧殘。

每次打開糧單，都希望有份驚喜，
加薪、加薪、加薪…
咪自己欺騙自己啦，邊可能發生！
繼續努力加油去加班，然後等年尾加薪啦。

真相

原來去追尋一個真相唔係咁容易。
但去接受一個真相同樣唔容易。

做我呢行，有時有D好似私家偵探咁，
查根問底，都幾討人厭。

講番早排提及件公司失竊案，
其實我好想知邊個做，不過無從考究。
但對於失竊案既處理方法，應該講失竊案無處理既方法，
我只能覺得無奈。

失竊後，
經幾番要求，公司比番全新一套接收器、滑鼠和數字鍵盤我。
其實係唔係全新唔係最重要，就算比番個舊接收器我用都得，
最重要是要比公司知道受害者唔應該承受因失竊所導致既後果，
因為，由頭到尾我都係無辜！
不過，唔知點解IT部門無論對件失竊案同埋訂接收器既處理方法一D都唔積極，
究竟佢地係針唔「吉」到肉唔知痛？定係將我件失竊案唔當真，認為真兇其實係我自己？

曾經有人問我係咪得罪左人，被人整蠱？咁大擠？玩針對？定係種族歧視呀？
都係諗得簡單D好。
………

近期，從一些事既發生，引發我對之前所發生既另一件事有唔同睇法。
其實有時好難知道別人的說話既真假虛實。
聽下呀東講，又聽下阿西說，攪到事實真相唔知係點，
我想真相可能只有東同西知，聽既人去接受邊面變得好主觀，
其實事實真相可能令邊面都咁醜惡，有時想下想下唔知真相可能仲好。

所謂「越接近真相，越接近死亡」，
為保性命，都係問少D為妙。

脆弱生命

近期自己和身邊的親人朋友都染病，發覺人的生命多麼脆弱。

昨天，去探望一位很久不見的朋友和她的孩子，剛好由她接的手提來電得知，她爸爸的租客有個兒子，年僅十三歲，星期五晚，從床上跌下來，頭部先著地，頸骨折斷，送往醫院搶救，但終告不治。突然發覺人的生命多麼脆弱。

現在還擁有的生命，下一刻會否失去？

我們該如何好好運用我們在世的光陰？
及時行樂？
還是與主同行？